На складах Рагачоўскага камбіната назбіралася 30 мільёнаў бляшанак згушчанкі

На Рагачоўскім малочнакансервавым камбінаце могуць скараціць 300 чалавек - прадпрыемства на мяжы банкруцтва.

Людзей «просяць» пісаць за свой кошт, таксама рыхтуюцца масавыя скарачэнні. Улетку камбінат можа цалкам перайсці на чатырохдзёнку. Само прадпрыемства, якое з'яўляецца вытворцам легендарнай Рагачоўскай згушчонкі, пасля прыходу новага дырэктара знаходзіцца на мяжы банкруцтва.

На думку некаторых службовых прадстаўнікоў завода, адказнасць за фактычны крах легендарнага прадпрыемства неабходна ўскласці на новага дырэктара РМКК Івана Калупаха, піша сайт «Рагачоў Анлайн».

Як сцвярджае крыніца выдання, пасля прыходу на пасаду кіраўніка прадпрыемства былога светлагорскага камунальніка прадпрыемства фактычна пачало шлях да банкруцтва.

Цяпер у выніку «адмысловага» стылю кіраўніцтва новага дырэктара завода, скарачэнне некалькіх соцень чалавек ужо непазбежна, патлумачыла крыніца.

Акрамя таго, са слоў аднаго з прадстаўнікоў адміністрацыі, узровень складскіх запасаў Рагачоўскай згушчонкі пабіў гістарычны рэкорд завода - больш за трыццаць мільёнаў слоікаў. Цяпер у Рагачове такая колькасць нерэалізаванай згушчонкі захоўваць немагчыма, і каб схаваць катастрафічнае становішча прадпрыемства дырэктар вымушаны быў аддаць распараджэнне вывезці прадукцыю на склады ў іншыя гарады, у тым ліку ў Гомель.

Між тым, самі працаўнікі прадпрыемства з жахам чакаюць свайго далейшага лёсу. Іх рэгулярна прымушаюць пісаць за свой кошт.