Павел Дураў пабіўся з рабаўнікамі ў ЗША
7- 2.06.2015, 11:10
- 12,731
На стваральніка расейскай сацсеткі «Вконтакте» Паўла Дурава ў ЗША напалі рабаўнікі.
Пра гэта ён паведаміў у Twitter.
Інцыдэнт адбыўся на адной з вуліц Сан-Францыска: група хуліганаў паспрабавала адабраць у Дурава тэлефон, піша Lenta.ru.
«Толькі што ўвязаўся ў бойку з хлопцамі, якія спрабавалі скрасці мой тэлефон недалёка ад вуліцы Мішн, 980 (Mission - вуліца ў Сан-Францыска). Страшны раён? Не для рускага», - напісаў ён. Таксама заснавальнік «Вконтакте» прыклаў фота сваёй параненай рукі.
Just got into a fight with guys who tried to grab my phone near Mission 980. Scary neighborhood? Not for a Russian 👊🏻 pic.twitter.com/rKmyRIw42F
— Pavel Durov (@durov) 2 июня 2015
Павел Дураў пакінуў Расею пасля таго, як у красавіку 2014 яго звольнілі з пасады генеральнага дырэктара «Вконтакте» і ён прадаў сваю долю ў сацсетцы. Прадпрымальнік, асноўным праектам якога на сённяшні дзень з'яўляецца мэсэнджэр Telegram, тады заяўляў, што не плануе вяртацца на радзіму. На яго думку, Расея «несумяшчальная з інтэрнэт-бізнэсам цяпер».
З тых часоў бізнэсовец з'явіўся ў РФ толькі аднойчы - у лістападзе 2014 года. Яго прыезд быў звязаны з неабходнасцю падпісання пагаднення аб продажы дата-цэнтра «Вконтакте».