Сенатар Роб Портман: Інертнасць Абамы вядзе да пашырэння канфлікту ва Украіне

Ужо цяпер войску Украіны трэба даць супрацьтанкавую зброю, абароненую сувязь, ПНБ, цеплавізары, дроны і сістэмы СПА.

Сенатар ЗША ад рэспубліканцаў Роб Портман заклікаў амерыканскі ўрад распачаць шырокамаштабныя намаганні, накіраваныя на дапамогу Кіеву ва ўмацаванні яе абароннага патэнцыялу, і фактычна абвінаваціў адміністрацыю прэзідэнта Барака Абамы ў бяздзейнасці перад тварам расейскай агрэсіі ў Данбасе. Пра гэта паведамляе «Голос Америки», спасылаючыся на артыкул сенатара, размешчаны на партале Cleveland.com.

«ЗША і NATO павінны рабіць больш для ўмацавання ўкраінскага вайсковага патэнцыялу», - сказаў ён.

У кароткатэрміновай перспектыве Украіне трэба супрацьтанкавая зброя, сродкі абароненай сувязі, прыборы начнога бачання і тэрмаграфіі, беспілотнікі і сістэмы СПА, піша Портман. «Гэтак жа важны эфектыўны маніторынг, каб пераканацца, што амерыканская дапамога даходзіць да вайскоўцаў на перадавой», - дадаў ён.

«Мы таксама павінны аказаць падтрымку ў такіх важных галінах, як інстытуцыянальнае будаўніцтва ў галіне абароны, навучанне і рэфармаванне ўкраінскага вайскова-прамысловага комплексу. У доўгатэрміновай перспектыве гэта павысіць эфектыўнасць украінскага войска», - піша палітык.

Са слоў сенатара, Белы дом мяркуе, што пастаўка Украіне запытанай дапамогі прывядзе да ўзмацнення нестабільнасці. Сам жа ён мяркуе, што да гэтым прывядзе цяперашняя палітыка Абамы.

«Думаю, далейшая бяздзейнасць прывядзе толькі да пашырэння цяперашняга канфлікту. Кожнае часовае спыненне агню проста легітымізавала дзеянні Пуціна, фактычна прызнаючы расейскія поспехі на месцах. Расейская агрэсія ва Украіне не сыдзе і не вырашыцца сама па сабе, проста таму, што мы гэтага хочам. Пара прэзідэнту пачаць самому ўплываць на сітуацыю, а пакуль, наадварот, яна ўплывае на яго», - сказаў ён.

На думку Портмана, высілкі ЗША павінны быць часткай «больш шырокай стратэгіі» ў падтрымцы рэгіянальных саюзнікаў і стрымліванні расейскай агрэсіі.

«Мы павінны прадэманстраваць прыхільнасць Амерыкі бяспекі нашых сяброў праз умацаванне прысутнасці NATO ва Усходняй Еўропе і больш энэргічны ўдзел у навучанні і супрацоўніцтве ў галіне бяспекі», - напісаў ён.