Журналісты раскрылі сакрэт поспеху Мэсі

Апошнія два гады Мэсі, здавалася, страціў матывацыю ў футболе - Леа па-ранейшаму шмат забіваў, але ўзроўнем гульні быў далёкі ад сябе ранейшага часоў 2009-2012 гадоў.

У гэтым сезоне Мэсі зноў у цудоўнай форме - чатырохразовы ўладальнік Залатога мяча вядзе "Барселону" да перамогі ў Лізе Чэмпіёнаў, забіўшы ва ўсіх турнірах 58 галоў у 56 матчах, піша obozrevatel.com.

У гішпанскіх журналістаў ёсць свая версія такой незвычайнай гульні аргентынца. Уся справа ў лішняй вазе, а дакладней у яе адсутнасці. Знешні выгляд Мэсі прыкметна змяніўся. Мяркуючы з фота, аргентынец істотна папрацаваў над сваёй фізічнай формай, скінуўшы арыентыровачна ад чатырох да пяці кілаграмаў.