Расейцы не вытрымалі цытрусавага і фінікавага эмбарга
5- 21.06.2015, 21:04
- 8,780
Міністр сельскай гаспадаркі РФ Аляксандр Ткачоў дапускае магчымасць скарачэння спісу сельгаспрадукцыі, забароненай да ўвозу ў краіну.
Расея можа дазволіць увоз некаторых тыпаў прадукцыі, якія ў краіне не вырабляюцца, мяркуе міністр.
"Такія пастановы павінны прымацца на самым высокім узроўні", - падкрэсліў Ткачоў у гутарцы з "Інтэрфаксам" у кулуарах Пецярбуржскага міжнароднага эканамічнага форуму.
"Гэта больш палітычнае пытанне, чым эканамічнае. Я мяркую, калі дазволіць увоз пэўных тыпаў тавараў, якія наогул не вырабляюцца, і ніколі не будуць вырабляцца ў Расеі, напрыклад, цытрусавых або фінікаў, гэта ніяк не адаб'ецца на вырабе мяса, яек, птушкі, гародніны і г.д.", - заявіў Ткачоў.
Нагадаем, з 1 жніўня 2014 года Расея ўвяла забарону на імпарт агародніны і садавіны з Польшчы. Афіцыйная Варшава ўспрыняла абвешчаную Расеяй забарону як помсту Крамля за новыя санкцыі Захаду.
Рассельгаснагляд неаднаразова абвінавачваў Беларусь у кантрабандзе польскіх яблыкаў у Расею.