Генеральны сакратар NATO заклікаў Нямеччыну павялічыць выдаткі на абарону
- 29.06.2015, 14:35
- 4,550
Енс Столтэнберг заклікаў Нямеччыну павялічыць асігнаванні на вайсковыя патрэбы да 2% ад аб'ёму ВУП.
Пра гэта ён сказаў у інтэрв'ю Süddeutsche Zeitung, піша "Еўрапейская праўда".
"Ніхто не чакае, што Нямеччына выканае гэтую задачу цягам года. Але мы чакаем, што Нямеччына спыніць скарачаць і будзе паступова павялічваць выдаткі на абарону. Я вітаю заяву аб тым, што ў будучым годзе Нямеччына пачне павялічваць інвестыцыі ў сферы абароны", - сказаў Столтэнберг.
Цяпер выдаткі Нямеччыны на абарону складаюць 1,2 адсотка ад аб'ёму ВУП.
У 2015 годзе чакаецца, што толькі пяць краін-чальцоў NATO выдаткуюць 2% ВУП на абарону: Эстонія, Грэцыя, Польшча, Вялікая Брытанія і ЗША.