Войска Егіпта нанесла авіяўдары па пазіцыях «Ісламскай дзяржавы» на Сінаі
- 2.07.2015, 18:09
- 2,900
Авіяўдары былі нанесеныя падчас аперацыі ў адказ егіпецкага войска на напады баевікоў «Ісламскай дзяржавы» на блок-пасты ў ваколіцах горада Шэйх-Зувейд.
Пра гэта паведамляюць РІА «Новости» са спасылкай на Reuters.
Войска Егіпта ў чацвер нанесла авіяўдары па пазіцыях тэрарыстаў ІД на поўначы Сінайскай паўвыспы, ліквідаваўшы 23 баевікі, паведамілі прадстаўнікі службаў бяспекі краіны.
Aвіяудары былі нанесеныя падчас аперацыі ў адказ войска Егіпта на напады баевікоў «Ісламскай дзяржавы» на блок-пасты егіпецкага войска ў ваколіцах гарадоў Рафах і Шэйх-Зувейд, якія адбыліся ў сераду. Падчас нападаў загінулі 60 егіпецкіх вайскоўцаў.
Падчас спецаперацыі егіпецкіх сілавікоў у сераду былі ліквідаваныя больш за 100 тэрарыстаў. Асноўная маса баевікоў была знішчаная з паветра, ракетнымі ўдарамі з верталётаў і штурмавікоў егіпецкіх ВПС.
Паведамленні аб нападах баевікоў на прадстаўнікоў сілавых ўстаноў і адказных аперацыях егіпецкіх вайскоўцаў з Паўночнага Сіная (самай неспакойнай правінцыі краіны) прыходзяць практычна штодня. Атакі баевікоў шматкроць пачасціліся пасля адхілення ад улады ў Каіры прэзідэнта-ісламіста Мухамеда Мурсі ў 2013 годзе.