Украіна спадзяецца, што Расея верне яе ваенныя караблі
8- 5.07.2015, 17:53
- 10,237
Перамовы з расейскім бокам што да вяртання ўкраінскіх вайсковых караблёў, захопленых РФ у Крыме, ніколі не спыняліся.
Пра гэта заявіў міністр абароны Украіны генерал-палкоўнік Сцяпан Палтарака, адказваючы на пытанні журналістаў падчас паездкі ў Адэскую вобласць да Дня Вайсковых-марскіх сіл Украіны. Міністр дадаў, што спадзяецца на станоўчую пастанову ў гэтым пытанні, паведамляе руская служба BBC.
Частка караблёў Чарнаморскага флоту Украіны была захопленая Расеяй падчас анэксіі Крыма ў сакавіку 2014 года.
Пазней Расея вярнула некалькі суднаў украінскаму боку.