Уфа перад самітам ШАС: шпалеры на трушчобах, пластыкавая трава, газоны з асфальту
43- 7.07.2015, 15:46
- 32,852
Газоны заасфальтавалі, непрыгожыя месцы прыкрылі банэрамі. У Расеі на хуткую руку падрыхтаваліся да саміту ШАС.
Як бачна на апублікаваных у сетцы фота, непрывабныя месцы ў горадзе завесілі банэрамі з прыгожымі краявідамі ды фоташпалерамі з бярозкамі, тратуары пакрывалі асфальтам без выканання якіх-небудзь тэхналогій, піша «Карэспандэнт».
Непрыгожыя газоны прыкрылі пластыкавай травой, засыпалі зямлёй ці ўвогуле заасфальтавалі.
Як піша блогер Ілля Варламаў, калі дзесьці будынку не хапала, яго зноў пабудавалі з фанеры. У горад звезлі мноства паліцэйскіх. «Паліцыя абыходзіць усе дамы, крамы і ўстановы, перапісвае ўсіх людзей, правярае ўсе гаражы, каморкі, кватэры», - напісаў блогер на сваім сайце.
Нагадаем, Аляксандр Лукашэнка плануе ўзяць удзел у самітах Шанхайскай арганізацыі супрацоўніцтва (ШАС) і краін БРІКС, якія пройдуць 7-8 ліпеня ва Уфе.