З'явіліся здымкі BMW пасля сутыкнення з картэжам Лукашэнкі
52- 8.07.2015, 15:00
- 31,199
Жанчына-кіроўца знаходзіцца ў шпіталі пад аховай.
Пра гэта паведамляе "Еўрарадыё".
З'явіліся здымкі BMW пасля сутыкнення з картэжам спецмашын (паводле адной з версій, з картэжам Лукашэнкі). Здарэнне адбылося ў нядзелю, 5 ліпеня, на трасе Орша - Шклоў - Магілёў. Легкавік, за стырном якога была 23-гадовая жанчына, раптам выехаў на сустрэчную паласу і сутыкнуўся з мікрааўтобусам з картэжа, які перавярнуўся. Пацярпелі супрацоўнікі Службы аховы, двое з іх знаходзяцца ў цяжкім стане.
Жанчына-кіроўца знаходзіцца ў шпіталі пад аховай. Тым часам яе муж размясціў у адной з сацыяльных сетак фатаграфіі BMW пасля сутыкнення. "Усе жывыя, амаль без траўмаў", - так ён іх пракаментаваў. У легкавушцы на момант аварыі было 6 чалавек.