«Начныя снайперы» адзначылі дзень нараджэння Дыяны Арбенінай у Менску

У панядзелак у менскім клубе Re: public адбыўся канцэрт рок-гурта «Начныя снайперы».

Ён быў традыцыйна прымеркаваны да дня нараджэння лідара калектыву Дыяны Арбенінай, які спявачка адзначае сёння, 8 ліпеня. На праводзіны «старога года» прыйшлі прыхільнікі і блізкія артысткі, піша БелаПАН.

Прывітаўшы гледачоў і праспяваўшы некалькі песень, Арбеніна прызналася, што гурт з задавальненнем выступае ў сталіцы і такі канцэрт менавіта цяпер прайшоў спецыяльна.

«Гэта быў не проста год, а адзін з самых цікавых гадоў жыцця, і я наўмысна наважыла зрабіць гэта на сваёй роднай зямлі, - заявіла спявачка. - Калі вас здзівіць, я нарадзілася ў Беларусі амаль 41 год таму, і цяпер з кожным годам я адчуваю зямлю, адкуль мяне вывезлі на поўнач, усё глыбей і глыбей. Мне вельмі прыемна прыязджаць у Менск, а таксама ў Бабруйск, Гародню, Берасце, Магілёў, Віцебск - выконваць тую музыку, якая, па вялікім рахунку, дзесьці ў самым-самым пачатку нарадзілася, вядома ж, тут, разам са мной. Вялікі дзякуй маме і тату».

Тым часам сын спявачкі ўжо ўскараскаўся за гукарэжысёрскай пульт і пасля таго як Арбеніна праспявала песню «Вечар у Крыме», пачаў махаць маме рукамі і прытанцоўваць на месцы.

У канцы выступу, падзякаваўшы беларускім гледачам за падтрымку, Арбеніна сказала «дзякуй».