Аўстрыя ўзмоцніць кантроль над мяжой з Вугоршчынай
1- 27.08.2015, 21:39
- 139,640
Аўстрыя мае намер узмацніць барацьбу з нелегальнай міграцыяй і ўзмацніць жорсткасць кантролю над мяжой з Вугоршчынай.
Пра гэта заявіла кіраўніца МУС Аўстрыі Ёхана Мікль-Лейтнэр, паведамляе "Еўрапейская праўда" са спасылкай на выданне Wochenblatt.
"Мы будзем цалкам кантраляваць міжнародныя цягнікі з Вугоршчыны і ўзмоцнім кантроль у памежных зонах", - сказала яна.
"Акрамя таго, павінны быць абсталяваны пункты на вонкавых межах ЕЗ, дзе ўцекачы маглі б знайсці абарону", - адзначыла Ёхана Мікль-Лейтнэр.
Пры гэтым яна адзначыла патрэбу жорсткай барацьбы з асобамі, якія спрыяюць нелегальнаму трафіку мігрантаў ўнутры Еўразвязу.
Гэтыя заявы прагучалі на фоне паведамленняў аб выяўленні блізу паўсотні цел мігрантаў, якія задыхнуліся ў кузаве грузавіка, выяўленага на ўсходзе краіны. Пазней з'явіліся паведамленні, што грузавік меў вугорскія нумары, хоць і абслугоўваў славацкую фірму.