У Чачні забіты намеснік камандзіра батальёна «Поўнач»
1- 28.08.2015, 10:40
- 11,084
У Грозным забіты намеснік камандзіра батальёна ўнутраных войскаў «Поўнач».
Пра гэта паведамляе «Інтэрфакс» са спасылкай на крыніцу ў вайсковых структурах. Імя вайскоўца не ўдакладняецца.
«Раным рана у чацвер у пакоі інтэрната батальёна «Поўнач» знойдзеныя целы намесніка камандзіра батальёна «Поўнач» і ягонай жонкі з агнястрэльнымі ранамі», - сказаў суразмоўца агенцтва. З ягоных слоў, на месцы злачынства знойдзеныя пісталет Макарава і боепрыпасы, піша Лента.ру.
Аператыўна-следчая група выявіла падазраванага, ён затрыманы, дадала крыніца.
Распачатая крымінальная справа паводле артыкулу «Забойства».
«Інтэрфакс» адзначае, што Завур Дадаеў, які абвінавачваецца ў забойстве Барыса Нямцова ў лютым 2015 года, раней быў намеснікам камандзіра «Поўначы».
Агенцтва піша, што камандзірам батальёна з'яўляецца палкоўнік Алібэк Дэлімханаў, брат дэпутата Дзярждумы Адама Дэлімханава. Аднак, паводле звестак СМІ, з траўня 2015 года злучэннем камандуе маёр Рахман Абдулкадыраў. Дэлімханаў у сваю чаргу быў пераведзены на пасаду намесніка камандзіра 46-й асобнай брыгады аператыўнага прызначэння ўнутраных войскаў.