Войскі Саудаўскай Арабіі ўвайшлі на тэрыторыю Емена
- 28.08.2015, 12:30
- 22,769
Войскі Саудаўскай Арабіі перасеклі тэрыторыю Паўночнага Емена ўпершыню пасля распачатага ў сакавіку канфлікту з паўстанцамі Хуці.
Пра гэта паведамляе Al Jazeera, піша "Еўрапейская праўда".
На відэакадрах, якія дэманструе тэлекампанія, відаць, як жаўнеры займаюць пазіцыі ў горнай мясцовасці на поўдзень ад саудаўскай правінцыі Джызан.
У Эр-Рыядзе ўварванне войскаў на тэрыторыю супольнай дзяржавы называюць часовым.
23 жніўня з прычыны артабстрэлу і ракетных абстрэлаў на мяжы з боку хусітаў загінулі дзясяткі саудаўскіх вайскоўцаў, уключна з генералам.
Кааліцыя пад кіраўніцтвам Саудаўскай Арабіі выканала паветраныя ўдары па пазіцыях паўстанцаў у Емене, але хусіты ды іхныя хаўруснікі і жаўнеры, лаяльныя былому прэзідэнту Алі Абдалу Салеху, застаюцца сур'ёзнай баявой сілай.
У ліпені сілы прэзідэнта Абд-Рабу Мансура Хадзі выціснулі хусітаў ды іхных хаўруснікаў з паўднёвага партовага горада Адэн, праз гэта пачалася паветраная кампанія арабскай кааліцыі.
Паводле звестак ААН, з моманту пачатку канфлікту ў Емене загінулі амаль 4,3 тысячы чалавек, з якіх больш за палову - ахвяры сярод мірнага насельніцтва.
Прынамсі 50 чалавек загінулі ў Саудаўскай Арабіі праз тэракты хусітаў.