Twitter дазволіў карыстальнікам замацоўваць найлепшыя паведамленні
- 28.08.2015, 18:36
- 12,396
Функцыя даступная ўсім карыстальнікам мабільнай версіі сэрвісу на iOS і Android.
У афіцыйным запісе платформы мікраблогаў Twitter з'явілася паведамленне, што з сённяшняга дня карыстальнікі могуць фіксаваць выбраныя твіты ўверсе профілю, інфармуе Lenta.ru.
Паведамленне суправаджае 15-секунднае відэа, якое дэманструе працэс актывацыі новай функцыі. У наладах кожнага твіта з'явілася опцыя «Прымацаваць твіт да профіля» (Pin to your account). Пасля гэтага абранае паведамленне будзе адлюстроўвацца пад асабістай інфармацыяй уладальніка старонкі.
Starting today, you can pin a Tweet to your profile from iOS and Android. Go ahead, make a statement. 📌 pic.twitter.com/iK31aIsK6U
— Twitter (@twitter) sierpień 27, 2015
Папярэдні фармат працы сэрвісу меркаваў, што твіты размешчаныя ў профілі карыстальніка ў храналагічным парадку. Новая функцыя дазволіць яго парушыць. Як адзначаюць журналісты выдання The Next Web, цяпер у карыстальнікаў з'явілася магчымасць пакідаць старыя твіты, якія ім асабліва спадабаліся сваім досціпам або глыбінёй думкі.
У сярэдзіне жніўня Twitter зняў абмежаванне ў 140 знакаў у асабістых паведамленнях. Пры гэтым стандартныя публічныя твіты як і раней не павінны быць даўжэйшымі за 140 знакаў. 19 чэрвеня ў СМІ з'явілася інфармацыя, што Twitter створыць уласную навінавую службу, рэдактары якой зоймуцца адборам найбольш цікавага кантэнту з мікраблогаў ды іншых крыніц. Паводле апошніх звестак, колькасць актыўных карыстальнікаў сэрвісу складае 302 мільёны чалавек. Агулам ў Twitter зарэгістраваныя больш за 500 мільёнаў старонак.