Morgan Stanley пагоршыў прагноз УБП Расеі на 2016 год

Банк чакае, што ўзровень інфляцыі ў РФ да канца гэтага года дасягне значэння 13%.

Адзін з найвялікшых амэрыканскіх інвестыцыйных банкаў Morgan Stanley захаваў прагноз зніжэння рэальнага УБП Расеі на 2015 год на 4,2%, а таксама пагоршыў прагноз на 2016 год да зніжэння на 1,3% (з -1,2%), паведамляе "Прайм".

Акрамя гэтага, Morgan Stanley таксама прагназуе стрыманае аднаўленне эканомікі краіны ў 2017 годзе, чакаючы рост УБП на 1,6%.

Банк чакае, што ўзровень інфляцыі ў краіне да канца гэтага года дасягне значэння 13%.

Аналітык банка Аліна Слюсарчук адзначае зніжэнне рызыкі дэстабілізацыі валютнага рынку ў РФ у сувязі з імклівым абясцэненнем рубля, падобнага да падзей снежня 2014 года.

Прырост УБП Расеі з выключэннем сэзоннасці ў ліпені склаў 0,1% пасля зніжэння на 0,1% у чэрвені сёлета. З пачатку года УБП РФ знізіўся на 3,6% да адпаведнага перыяду 2014 года.

Кіраўнік Мінэканамразвіцця РФ Аляксей Улюкаеў раней заявіў, што міністэрства ў абноўленым прагнозе сацыяльна-эканамічнага развіцця РФ паніжае прагноз УБП на 2015 год да падзення ў 3,3%, прагноз на 2016 год таксама пагоршаны - да 1-2%. У першапачатковым прагнозе міністэрства чакала спаду УБП у 2015 годзе на 2,8% і росту ў 2016 годзе на 2,3%.