Беларусы чакаюць росту коштаў і масавых звальненняў

Прафзвяз РЭП правёў апытанне сярод жыхароў Беларусі і высветліў іх галоўныя эканамічныя страхі.

Матэрыяльны дабрабыт нашых суайчыннікаў, нават у святле афіцыйнай статыстыкі, не паляпшаецца. Разам з тым, відавочна, што шэраг бакоў грамадскага быцця грамадзян турбуюць у першую чаргу, іншыя - не такія актуальныя. Як паказалі адказы на пытанне, «У якой ступені вас турбуюць магчымыя змены ў наступных галінах вашага жыцця?» (Табл.), рэспандэнты практычна аднадушна на першае месца паставілі рост коштаў на прадукты харчавання і паслугі (92%). Толькі 1% апытаных не хвалюе сітуацыя з павышэннем коштаў, піша «Ежедневник».

Большасць гараджан і вяскоўцаў Беларусі адназначна занепакоеныя: магчымым павышэннем тарыфаў на жыллёва-камунальныя паслугі (88%); паніжэннем заробку (83%) і ростам коштаў на медпрэпараты (78%); скарачэннем працоўных месцаў (71%) і затрымкамі ў выплаце заробкаў (70%), а таксама недаступнасцю крэдытаў, немагчымасцю іх вяртання (57%).

Натуральна, усе гэтыя асцярогі грунтуюцца на рэаліях сённяшняга дня. «Што гэта за краіна, - у сэрцах заўважае 43-гадовы працоўны аднаго з райцэнтраў Гомельскай вобласці, - дзе трэба браць крэдыт, каб сабраць дзіця ў школу».

Апытаннем зафіксавала яшчэ адну асаблівасць грамадскага меркавання. Чыста вытворчыя праблемы працоўных: парушэнне асабістых правоў як работніка (выкананне неўласцівых работ, хамства кіраўнікоў і інш.); адсутнасць на вытворчасці ўмоў для працы (невыкананне ТБ, недахоп інструментаў, матэрыялаў і да інш.), а таксама адсутнасць на вытворчасці ўмоў для прафесійнага росту зусім не турбуюць кожнага пятага-чацвёртага рэспандэнта. Адпаведна, 17%, 19% і 26%.

Больш дэталёвы разгляд праблемы адсутнасці на вытворчасці ўмоў для прафесійнага росту паказвае, што сярод працоўных гэтая праблема зусім не турбуе 26% рэспандэнтаў. Сярод работнікаў сельскай гаспадаркі - 25%. Сярод ІТР і дзяржслужбоўцаў па 15% апытаных не ўважаюць гэтае пытанне актуальным!

Гэта значыць, што працоўных людзей усё больш цікавіць заробак і наяўнасць працоўнага месца, чым нармальныя ўмовы для працоўнай дзейнасці! Праўда, зафіксаваную сітуацыю можна разглядаць і як звыкласць нашых грамадзян да далёка не ідэальных умоваў іх працоўнай дзейнасці.

У якой ступені вас турбуюць магчымыя змены ў наступных галінах вашага жыцця? (у%)

Агульнанацыянальны зандаж грамадскай думкі праведзены прафзвязам РЭП з 7 да 23 жніўня 2015 года. Метад - апытанне-анкетаванне жыхароў Рэспублікі Беларусь ад 18 гадоў. Паводле прапарцыйна-квотнай выбарцы апытана паўтары тысячы (1499) рэспандэнтаў. Кантраляваныя параметры выбаркі: месца пражывання, тып населенага пункта, пол, узрост, адукацыя. Памылка рэпрэзентатыўнасці не перавышае 0,5%.