На МКАД сутыкнуліся адразу пяць аўтамабіляў
3- 10.10.2016, 21:05
- 5,843
ДТЗ адбылося з-за незахавання дыстанцыі.
На вонкавым кальцы МКАД ля вёскі Цна сутыкнуліся пяць аўтамабіляў.
Пра гэта паведаміў БелТА старэйшы інспектар агітацыі і прапаганды АДАІ РУУС Савецкага раёна Менска Андрэй Дзяркач.
«ДТЗ адбылося раніцай на вонкавым коле МКАД ля вёскі Цна. Сутыкнуліся пяць аўтамабіляў. Вінаваты ў ДТЗ - кіроўца Volvo, які мае стаж кіравання крыху менш за два гады, ён рухаўся апошнім у трэцяй паласе. З-за незахавання дыстанцыі ён сутыкнуўся з аўтамабілем Skoda, які ехаў наперадзе, той затым рэзнуўся ў Saab, які ў сваю чаргу пашкодзіў Hyundai і Audi», - распавялі ў ДАІ.
У ДТЗ ніхто не пацярпеў. «Аўтамабілі атрымалі механічныя пашкоджанні, пры гэтым Volvo і Skoda павезлі на эвакуатар», - удакладніў Андрэй Дзяркач.
Складзены пратакол аб адміністрацыйным правапарушэнні паводле ч 1 арт 18.17 КаАП Беларусі (парушэнні правілаў дарожнага руху асобай, якая кіравала транспартным сродкам, што пацягнула прычыненне пацярпеламу лёгкага цялеснага пашкоджання або пашкоджанне іншага транспартнага сродку, грузу, дарожнага пакрыцця, дарожных i iншых збудаванняў або іншай маёмасці), санкцыі якой прадугледжваюць накладанне штрафу сумай ад 3 да 30 базавых адзінак (базавая адзінка складае Br21) або пазбаўленне права кіравання транспартнымі сродкамі тэрмінам да двух гадоў.