Паліенку вызвалілі ў зале суда пад воклічы «Жыве Беларусь!»
10- 12.10.2016, 14:41
- 23,551
Цэнтральны суд Менска прысудзіў Дзмітрыя Паліенку да двух гадоў пазбаўлення волі з двухгадовай адтэрміноўкай.
Актывіста «Крытычнай масы» прызналі вінаватым у нападзе на міліцыянта і распаўсюдзе парнаграфічных матэрыялаў праз інтэрнэт. Суд пастанавіў вызваліць Змітра Паліенку з-пад варты наўпрост у зале суда, паведамляе «Радыё Свабода».
Выхад актывіста з жалезнай клеткі прысутныя сустрэлі апладысментамі і воклічамі «Жыве Беларусь!»
Дзмітрый Паліенка быў затрыманы пасля разгону акцыі «Крытычная маса» 29 красавіка і з таго часу быў за кратамі. Як стала вядома на судзе, які праходзіў 11 кастрычніка, ужо на пачатку следства Дзмітрый Паліенка прызнаў, што парушаў правілы дарожнага руху, калі браў удзел у акцыі веласіпедыстаў, але не прызнаў сябе вінаватым у нападзе на міліцыянта і прычыненні яму шкоды.
Паліенка чакае прысуду: Спадзяюся, выпусьцяць.#Паліенка pic.twitter.com/yxu0nRU2sW
— Радыё Свабода (@svaboda) 12 октября 2016 г.
Свабода першай павіншавала Паліенку з воляй.#Паліенка pic.twitter.com/VibwupEQbM
— Радыё Свабода (@svaboda) 12 октября 2016 г.
Падчас працяглага следства сваіх паказанняў Паліенка не змяніў, а на судзе наогул адмовіўся іх даваць. У апошнім слове на працэсе Дзмітрый назваў дзейны палітычны рэжым у Беларусі дыктатурай і заявіў, што яго пераследуюць за палітычную барацьбу. З'яўленне ў абвінавачванні эпізоду пра нібыта распаўсюд ім парнаграфічных матэрыялаў Паліенка палічыў дадатковай помстай яму за палітычную актыўнасць. Дзмітрый заявіў, што ніколі не распаўсюджваў парнаграфію.
Зьміцер Паліенка пра турму: Страшная не турма, а жыць пры гэтай дыктатуры і маўчаць.#Паліенка pic.twitter.com/anpE2JwMQQ
— Радыё Свабода (@svaboda) 12 октября 2016 г.
Пасля выхаду на волю Дзмітрый Паліенка падзякаваў усім, хто надаў яму падтрымку, і заявіў, што будзе абскарджваць прысуд, бо па-ранейшаму не ўважае сябе за вінаватага. Таксама актывіст збіраецца абскардзіць пастанову суда аб прымусовым накіраванні яго на лячэнне ад алкагалізму.
Паліенка пра свае палітычныя погляды: Пасьля Майдану я ад нацболу крочыў у бок анархізму, супроць таталітарнай улады.#Паліенка pic.twitter.com/rItHcb6dxA
— Радыё Свабода (@svaboda) 12 октября 2016 г.