МЗС Аўстраліі: Суд над вінаватымі ў катастрофе MH17 будзе ў пачатку 2017 года

Імёны адказных за катастрофу самалёта назавуць ужо ў канцы гэтага года.

Імёны адказных за атаку на малазійскі «Боінг» рэйса MH17 могуць быць названыя да канца гэтага года, паведамляе Reuters са спасылкай на заяву міністра замежных спраў Аўстраліі Джулі Бішопа (пераклад - svpressa.ru).

«Да канца года, магчыма, на пачатку наступнага года, спіс тых, хто, як мы лічым, павінен быць прыцягнуты да адказнасці будзе пацверджаны, а затым павінен быць судовы працэс», - паведаміў ён.

Як паведамлялася, міжнародная каманда па расследаванні катастрофы самалёта «Боінг» рэйса МН17, якая адбылася 17 ліпеня 2014 года, прыйшла да высновы, што лайнер быў збіты ракетай, выпушчанай з ЗРК «Бук», дастаўленага з тэрыторыі Расеі.

Катастрофа самалёта Boeing-777 рэйса MH17 забрала жыцці 283 пасажыраў і 15 сябраў экіпажа, у тым ліку 80 дзяцей. Больш за ўсё сярод загінулых было грамадзян Нідэрландаў, Малайзіі і Аўстраліі.