Максім Рыжанкоў: Кантракт з Буяльскім дзейнічае да канца года

Старшыня Беларускай федэрацыі баскетбола зняпраўдзіў інфармацыю аб звальненні Анатоля Буяльскага з пасады галоўнага трэнера жаночай нацыянальнай каманды.

Пра гэта Максім Рыжанкоў заявіў выданню «Прессбол»:

- Анатоль Буяльскі застаецца галоўным трэнерам жаночай нацыянальнай каманды Беларусі ў сілу дзейнага кантракта з Міністэрствам спорту. Такога ж, які маюць і многія іншыя трэнеры нацыянальных каманд. Гэта пагадненне дзейнічае да канца года, і яно не разрывалася.

Калі не памыляюся, 19 кастрычніка, згодна працоўным планам, у Міністэрстве спорту адбудзецца штогадовая атэстацыя нацыянальных каманд, дзе ў тым ліку будзе дадзеная ацэнка рабоце трэнерскага штаба жаночай баскетбольнай каманды. Там жа будуць выказаныя прапановы аб прадаўжэнні супрацоўніцтва з цяперашнім трэнерскім складам або аб фармаванні новага. Пры гэтым будуць улічвацца рэкамендацыі баскетбольнай федэрацыі.

Разам з тым да 1 кастрычніка ў Буяльскага дзейнічала дадатковае фінансавае пагадненне з Беларускай федэрацыяй баскетбола, улічваюцца выступ і вынікі нацыянальнай каманды на Алімпійскіх гульнях у Рыа. Яго тэрмін скончыўся. Аднак гэта не азначае ні спынення супрацоўніцтва, ні адхілення трэнера.

Наколькі я ведаю, цяпер праводзяцца кансультацыі з Буяльскім і іншымі прэтэндэнтамі на пасаду галоўнага трэнера жаночай баскетбольнай каманды.