Пры выбуху ў кавярні ў Гішпаніі пацярпелі 90 чалавек
3- 2.10.2016, 17:40
- 12,034
Служба хуткай дапамогі не спраўлялася з колькасцю ахвяраў і пацярпелых дастаўлялі ў лякарню паліцэйскія машыны.
Пры выбуху, які адбыўся ў кавярні ў горадзе Велес-Малага падчас мясцовага фестывалю, пацярпелі каля 90 чалавек, паведамляе BBC.
Раней гішпанская газета La Opinion паведамляла пра 70 пацярпелых.
Пацярпелыя дастаўленыя ў лякарню, стан некаторых з іх ацэньваецца як цяжкі. Паводле папярэдніх звестак, прычынай выбуху стала ўцечка газу. Паводле факта, які адбыўся, распачатае расследаванне.
Выбух адбыўся ў адной з кавярняў у горадзе Велес-Малага прыкладна а 17-й у час мясцовага фестывалю. Газета таксама паведамляе, што служба хуткай дапамогі не спраўлялася з колькасцю ахвяраў і пацярпелых дастаўлялі ў лякарню паліцэйскія машыны.