Менскае «Дынама» адклала датэрміновае чэмпіёнства БАТЭ
- 2.10.2016, 21:44
- 47,452
Сталічны клуб перамог «Віцебск» з лікам 2 : 0.
30 верасня матчам у Менску стартаваў 24-ы тур чэмпіянату Беларусі ў футболе.
Галоўная ж інтрыга тура заключалася ў тым, ці зможа БАТЭ аформіць 13-е чэмпіёнства ўжо 2 кастрычніка?
Для гэтага выхаванцам Аляксандра Ярмаковіча трэба было перамагчы на «Барысаў-Арэне» «Іслач», менскаму «Дынама» страціць балы з «Віцебскам», а «Шахцёру» – саступіць у Бярэсці.
Аднак у Віцебску менскае «Дынама» перамагло мясцовую каманду з лікам 2 : 0, тым самым адклаўшы пырскі шампанскага ў Барысаве, паведамляе tut.by.
Барысаўчане разграмілі «Іслач» з лікам 4 : 1, «Шахцёр» перамог брэсцкае «Дынама» – 2 : 1.
БАТЭ – лідар у табліцы чэмпіянату Беларусі, ён набраў 60 балаў (24 матчы). У «Шахцёра», які ідзе другім, – 45 балы (24 матчы), у «Дынама» – 41 бал (23 матчы) і гульня ў запасе.