Раскосмас: Мы страцілі «Прагрэс»
47- 1.12.2016, 21:20
- 20,703
Раскосмас прызнаў страту касмічнага карабля і распавёў пра падрабязнасці катастрофы.
Страта грузавога карабля "Прагрэс" адбылася на вышыні 190 кіламетраў над бязлюднай гарыстай тэрыторыяй у Туве, большасць фрагментаў згарэлі ў атмасферы, паведаміла ў чацвер прэс-служба Раскосмасу, піша «РIА» Новости.
Ракета-носьбіт "Саюз-У" з грузавым касмічным караблём "Прагрэс МС-04", які павінен даставіць экіпажу Міжнароднай касмічнай станцыі (МКС) 2,5 тоны грузаў, стартавала з касмадрома Байканур у чацвер, а 17.52. Паводле звестак Раскосмасу, пры запуску "Прагрэсу" з 383 секунды палёту знікла тэлеметрыя.
"З папярэдняй інфармацыі, у выніку няштатнай сітуацыі страта ТГК (транспартнага грузавога касмічнага карабля) адбылася на вышыні 190 кіламетраў над цяжкадаступнай бязлюднай гарыстай тэрыторыяй рэспублікі Тыва, і большасць фрагментаў згарэлі ў шчыльных пластах атмасферы", — гаворыцца ў паведамленні.
У прэс-службе падкрэслілі, што страта грузавога карабля не адаб'ецца на нармальным функцыянаванні сістэм МКС і жыццядзейнасці экіпажа станцыі. Дзяржаўная камісія праводзіць аналіз няштатнай сітуацыі.