Якую ежу лепш не разаграваць двойчы

Некаторыя прыгатаваныя прадукты харчавання лепш спажыць халоднымі, чым паўторна тэрмічна апрацоўваць.

У такім разаграванні спецыялісты бачаць пагрозу здароўю, піша healthinfo.ua.

Гэтыя прадукты не трэба нанова смажыць, варыць, грэць у мікрахвалёўцы, тушыць і гэтак далей, заявілі эксперты ў галіне здаровага харчавання.

Сярод іншага, яны параілі не разаграваць паўторна ўжо звараныя буракі. Для ўжывання ў ежу буракі найлепш варыць адзін раз, бо яны адносяцца да тых прадуктаў, якія страчваюць цалкам вітаміны, калі іх награваюць зноў, растлумачылі клініцысты.

Асабліва небяспечны ў сваім шкодным патэнцыяле для арганізма, на думку лекараў, паўторны разагрэў прадуктаў з высокім узроўнем бялку. Мяса, якое паддаецца некалькі разоў тэрмаапрацоўцы, страчвае свае смакавыя якасці і пазбаўляецца карысных лёгказасваяльных бялкоў, яны расшчапляюцца пры неаднаразовым падаграванне, апавялі медыкі. Ужыванне такога мяса вядзе да парушэнняў у абмене рэчываў, метэарызму, цяжару ў страўніку і іншых непрыемнасцяў у страўнікава-кішачным тракце.

Таксама, паводле словаў адмыслоўцаў, не варта падаграваць ужо зваранае яйка ці прыгатаваны амлет, паколькі падчас новай тэрмічнай апрацоўкі рэзка зніжаецца ўзровень карысных мікраэлементаў і вырастае рызыка актыўнай выпрацоўкі таксічных элементаў.

Грыбы як крыніца вялікай колькасці бялку ў сваім складзе таксама пры другаснай тэрмічнай апрацоўцы здольныя нашкодзіць самаадчуванню. Лепш з'есці іх халоднымі, – парэкамендавалі эксперты.