Абвінавачаную Лукашэнкам у карупцыі суддзю павысілі

Паспяховую кар'еру ў Міністэрстве юстыцыі робяць суддзі з заплямленай рэпутацыяй.

Управу адвакатуры і ліцэнзавання юрыдычнай дзейнасці Міністэрства юстыцыі даверыла былым адказным работнікам пракуратуры і судовай сістэмы з заплямленай рэпутацыяй.

У лістападзе 2008 года прэзідэнт Беларусі правёў незабыўную нараду аб пытаннях эфектыўнасці зробленых у краіне захадаў для барацьбы з карупцыяй, на якой ім былі агучаныя факты злачыннай дзейнасці высокапастаўленых пракурораў, суддзяў, работнікаў іншых праваахоўных органаў, піша вядомы блогер d-zholik.

Персанальных абвінавачванняў з вуснаў кіраўніка дзяржавы тады ўганараваліся і намесніца старшыні суда Цэнтральнага раёна Менска Алена Ільіна, якой было пастаўлена ў віну ўзгадненне праз тэлефон паслядоўнасці сваіх дзеянняў з тагачасным пракурорам Менскай вобласці Міхаілам Снегіром, якія ўдзельнічалі ў судовым працэсе ў якасці адказчыка.

Здавалася, пасля такіх абвінавачванняў суддзі не абмінуць арышту і тэрміну. Аднак праз два месяцы публічна абвінавачаная ў карупцыі намесніца старшыні раённага суда ўказам Лукашэнкі была проста вызваленая ад займанай пасады з нявіннай фармулёўкай «з уласнага жадання».

Пасля чаго Алена Ільіна і зусім зрабіла паспяховую кар'еру ў Міністэрстве юстыцыі, дзе апошнія некалькі гадоў займае пасаду начальніцы аддзела адвакатуры.

Яе непасрэдным кіраўніком з'яўляецца былы першы намеснік пракурора Менска Мікалай Старавойтаў, інфармацыя аб затрыманні якога пры спробе атрымання вялікага хабару з'явілася ў адзін час з падзеямі вакол суддзі Ільіной. Факт звальнення другога чалавека ў сталічнай пракуратуры тады ж пацвердзіў Генеральны пракурор.

У мінулым годзе Мікалай Старавойтаў быў прызначаны начальнікам управы адвакатуры і ліцэнзавання юрыдычнай дзейнасці Міністэрства юстыцыі.

Адначасова з гэтым ранейшы кіраўніца ўправы Галіна Грышкавец за перавышэнне службовых паўнамоцтваў і атрыманне хабараў была прысуджаная да 8 гадоў пазбаўлення волі ў калоніі агульнага рэжыму з канфіскацыяй маёмасці.