Войскі РФ і Асада пацярпелі паразу ў Пальміры
40- 11.12.2016, 18:08
- 30,515
Войскі Башара Асада і Расеі адступілі з горада на поўдзень.
Пра гэта паведамляе Associated Press са спасылкай на актывістаў сірыйскай апазіцыі і праваабарончую арганізацыю Syrian Observatory of Human Rights, піша meduza.io.
З паведамленняў агенцтва, урадавыя войскі адступілі з горада на поўдзень.
Падкантрольнае ІД агенцтва Amaq распаўсюдзіла паведамленне аб захопе горада, піша AFP.
У расейскім цэнтры замірэння варожых старон у Сірыі паведамляюць, што ў новым нападзе на Пальміру ўдзельнічаюць да чатырох тысяч баевікоў ІД, якія былі перакінутыя з раёна Ракі. Сірыйскія войскі «вядуць абарончыя баі», цытуе паведамленне «Інтэрфакс».
Баевікі ІД пачалі новы наступ на Пальміру, якая была вызваленая ад тэрарыстаў у сакавіку 2016 года, 8 снежня. 10 снежня паведамлялася, што тэрарысты ўвайшлі ў горад і кантралююць большую яго частку, а сірыйскае войска адступае з горада.