Склаліся, як картачны дамок

У Бабруйску адбылося масавае абрынанне гаражоў.

Чатыры гаражы абрынуліся 9 снежня ў Бабруйску. Надзвычайнае здарэнне адбылося на вуліцы Шыннай ў гаражным кааператыве «Аптымальны» пад 13.00. Людзі не пацярпелі, паведамляе «Камерцыйны кур'ер».

Дзяжурны СГБК паведаміў, што адбылося адбылося падчас будаўнічых работ з выкарыстаннем аўтакрана. Гаражы знаходзіліся на апошняй стадыі будаўніцтва, а таму машын ўнутры не было.

Пашкоджаным быў электрычны кабель, пракладзены ўздоўж сцяны, якая абрынулася. Электрык СГБК аператыўна адключыў электрычнасць.

— Найбольш імавернай прычынай здарэння стала неасцярожнасць, дапушчаная пры правядзенні будаўнічых работ, — паведаміла старшыня СГБК Таццяна Ільясевіч. — Кран апускаў пліту, яна штурхнула адную са сцен.

А далей спрацаваў эфект даміно. Сталёвы швелер, які выконваў ролю апорнай канструкцыі адразу для чатырох гаражоў, апынуўся на зямлі. А следам за ім і дзевяціметровыя дахавыя пліты, газасілікатныя блокі, цэгла, гаражныя брамы. Са слоў старшыні СГБК, гаражы будаваліся ў складчыну. Магчыма, такім прынцыпам яны будуць і аднаўляцца. Будаўніцтва ўсіх гаражоў у «Аптымальным» вялося на падставе праектнай дакументацыі.