Агент Хацкевіча: БФФ разарвала кантракт, не маючы на гэта падстаў

Федэрацыя футбола Беларусі не мела падстаў для аднабаковага разрыву кантракту з былым настаўнікам нацыянальнай каманды.

Агент былога трэнера нацыянальнай каманды ў футболе Аляксандра Хацкевіча Вадзім Шаблій ў каментары сайту «Футбол24» заявіў, што федэрацыя футбола Беларусі не мела падстаў для аднабаковага разрыву кантракту.

«Мы яшчэ ні з кім не сустракаліся і нічога не абмяркоўвалі. Цяпер ідуць розныя размовы, але мы яшчэ не да канца ведаем сітуацыю з камандай Беларусі. Калі да канца разбярэмся, тады і будзем размаўляць. Аляксандр Хацкевіч пакінуў каманду Беларусі ў аднабаковым парадку, з ініцыятывы федэрацыі. Трэнер не пайшоў на зніжэнне заробку, і федэрацыя пастанавіла разарваць кантракт у аднабаковым парадку, не маючы на гэта ніякіх падстаў», — распавёў Вадзім Шаблій.

У СМІ раней паведамлялася, што Хацкевіч прэтэндуе на ролю настаўніка кіеўскага «Дынама», але трэнер зняпраўдзіў гэтыя чуткі. Вадзім Шаблій у каментары «Футбол 24» пацвердзіў, што Сяргей Раброў застанецца ў «Дынама».

Цяпер з'явілася інфармацыя, што Хацкевіч можа ўзначаліць «Уфу». Нагадаем, пакуль гэтую каманду трэніруе іншы беларускі спецыяліст Віктар Ганчарэнка, якога прадказваюць на ролю галоўнага трэнера ЦСКА.