Ва ўрадзе Францыі змянілі чатырох міністраў

Міністэрства замежных спраў узначаліў былы прэм'ер.

Елісейскі палац у чацвер абвясціў аб перастаноўках у французскім ўрадзе. Пра гэта паведамляе "Еўрапейская праўда" са спасылкай на канал Europe1.

Свае пасады пакінулі міністарка жыллёвых пытанняў і роўнасці тэрыторый Сільвія Пінэль, міністр дэцэнтралізацыі і дзяржаўнай службы Марыліз Лебраншу, міністр культуры і масавых камунікацый Флёр Пелерэн, а таксама, як паведамлялася, міністр замежных спраў Ларан Фабіюс.

Прэзідэнт Францыі Франсуа Аланд прызначыў новых міністраў на прапанову прэм'ера Мануэля Вальса.

Міністрам у жыллёвых пытаннях стала прадстаўніца "зялёных" Эмануэль Кос, міністрам дэцэнтралізацыі Анік Жырардзін, міністрам культуры - дарадца Аланда Адры Азулай.

Акрамя таго, як паведамлялася, міністэрства замежных спраў узначаліў былы прэм'ер Жан-Марк Эро.