Марафон «Люблю Беларусь» скончыўся сёння ў Менску
3- 14.02.2016, 20:48
- 21,140
«Малады Фронт» павіншаваў выбітных прадстаўнікоў нацыянальнай эліты са святам любові.
Актывісты падарылі Уладзіміру Арлову, Нілу Гілевічу, Радзіму Гарэцкаму і Эрнсту Сабілу кветкавыя сувеніры ў выглядзе сэрцаў, а таксама толькі што выдадзены пераклад Новага Запавету, зроблены пастарам Антосем Бокунам з мовы арыгіналу, паведамляе «Радыё Свабода».
Марафон «Люблю Беларусь» пачаўся 4 лютага і ахапіў дзесяць гарадоў, у якіх моладзевыя актывісты вывешвалі нацыянальныя бел-чырвона-белыя сцягі.
«На нашу думку, такія людзі, як Уладзімір Арлоў, Радзім Гарэцкі, Ніл Гілевіч, Эрнст Сабіла - гэта тыя, на прысвячэнні якіх і трымаецца беларуская справа, - сказала актывістка «Маладога Фронту» Крысціна Самойлава. - Таму мы вырашылі сёння прызнацца ў любові да Беларусі гэтым людзям і падзякаваць ім за ахвярнае служэнне нашай Бацькаўшчыне».
