«Казакі» папрасілі ў Лукашэнкі дазволу стаць вайсковым злучэннем
225- 7.02.2016, 8:29
- 61,098
Аб'яднанне «Беларускае казацтва», звярнулася да Лукашэнкі з просьбай дазволіць ім стаць вайсковым злучэннем тэрытарыяльных войскаў краіны.
Зварот быў прыняты 6 лютага ў Менску на пазачарговым сёмым вялікім крузе казакоў, які зладзіла РГА «Беларускае казацтва», паведамляе БелаПАН.
«У гэты няпросты час мы звяртаемся да вас, як да вярхоўнага галоўнакамандуючага Рэспублікі Беларусь, з надзеяй, што беларускія казакі на гэтым этапе стануць вайсковым злучэннем тэрытарыяльных войскаў краіны, і на аснове нашага рэспубліканскага грамадскага аб'яднання «Беларускае казацтва» будзе створанае рэестравае казацтва», - гаворыцца ў звароце.
У дакуменце адзначаецца, што асноўнай статутнай мэтай аб'яднання з’яўляецца «адраджэнне казацтва ў Рэспубліцы Беларусь на асновах праваслаўя, патрыятызму, служэння Айчыне, адданасці беларускаму народу і ягонаму кіраўніку».
Раней сайт charter97.org паведамляў, што ў сакавіку 2015 года прарасейскія «казакі» з «вайскова-патрыятычнага цэнтра «Казачы спас» зладзілі пад Гародняй вайсковыя зборы для падлеткаў.