Пад Беластокам аднавілі апошнюю бітву Януша Радзівіла

Рэканструкцыя штурму Тыкоцінскага замка войскамі гетмана Вялікага княства Літоўскага Паўла Сапегі адбылася недалёка ад Беластока.

Сёння споўнілася 359 гадоў са дня штурму замка ў Тыкоціне. Тады гетман Вялікага княства Літоўскага Павел Сапега перамог шведскія войскі ў Тыкоціне, дзе засеў іх прыхільнік Януш Радзівіл. Гэта дало перавагу войску Рэчы Паспалітай у Паўночнай вайне, званай «швэдскім патопам», і адкрыла дарогу на цэлы рэгіён. У памяць пра гэтыя падзеі 17-га стагоддзя блізу Беластока адбылася рэканструкцыя бітвы за Тыкоцінскі замак, паведамляе «Радыё Рацыя».

Штурм замка ў Тыкоціне - гэта самая буйная рэканструкцыя гістарычных бітваў на Падляшшы і адзіная ў Польшчы, якая тычыцца Паўночнай вайны.