Барак Абама незадаволены якасцю Wi-Fi ў Белым доме
7- 8.02.2016, 10:00
- 11,437
Інтэрнэт ёсць не ва ўсіх месцах Белага дома, адзначыў прэзідэнт ЗША.
Сям'я прэзідэнта ЗША Барака Абамы падчас інтэрв'ю амерыканскай тэлевізіі паскардзілася на дрэннае пакрыццё бесправадной сеткі Wi-Fi ў Белым доме.
Ёсць шмат месцаў, дзе сігнал не ловіцца, сказаў Абама ў інтэрв'ю, што традыцыйна паказваецца перад пачаткам «Супербоўла» - галоўнага матчу сезона амерыканскай Нацыянальнай футбольнай лігі, паведамляе BBC.
«Яно [пакрыццё сеткай] бывае нясталым», - дадала жонка Мішэль Абама. Дочкі Саша і Малія адзначылі, што сітуацыя іх трохі раздражняе.
Амерыканскі прэзідэнт сказаў, што спрабаваў палепшыць якасць Wi-Fi для тых, хто заедзе ў Белы дом пасля яго.