Азаранка засталася на пятым месцы ў рэйтынгу WTA
1- 11.04.2016, 9:11
- 14,305
Беларуская тэнісістка Вікторыя Азаранка па-ранейшаму займае 5-е месца ў сусветным рэйтынгу.
На мінулым тыдні Вікторыя не брала ўдзелу ў турнірах і цяпер мае 4530 балаў. У першай дзясятцы рэйтынгу Жаночай тэніснай асацыяцыі (WТА) адбылася толькі адна перастаноўка - на другую пазіцыю паднялася полька Агнешка Радваньска, зрушыўшы на 3-е месца немку Ангеліку Кербер, паведамляе БелТА.
Топ-10 рэйтынгу (WТА):
1. Сэрэна Уільямс (ЗША) - 8625 балаў,
2. Агнешка Радваньска (Польшча) - 5775,
3. Ангеліка Кербер (Нямеччына) - 5740,
4. Гарбін Мугуруза (Гішпанія) - 4831,
5. Вікторыя Азаранка (Беларусь) - 4530,
6. Сымона Халеп (Румынія) - 3785,
7. Петра Квітава (Чэхія) - 3763,
8. Раберта Вінчы (Італія) - 3595,
9. Марыя Шарапава (Расея) - 3432,
10. Белінда Бенчыч (Швайцарыя) - 3340.
Яшчэ дзве беларускія тэнісісткі засталіся на сваіх ранейшых пазіцыях - Вольга Гаварцова знаходзіцца на 99-м месцы (706 балаў), Аляксандра Сасновіч замыкае першую сотню (697).
На гэтым тыдні нацыянальная каманда Беларусі рыхтуецца да матчу з камандай Расеі за права выступіць у Сусветнай групе Кубка Федэрацый у наступным сезоне. У складзе беларускай каманды Вікторыя Азаранка, Вольга Гаварцова, Аляксандра Сасновіч, Арына Сабаленка (258-е месца ў сусветным рэйтынгу) і Вера Лапко (650). Сустрэча з расейкамі адбудзецца 16-17 красавіка ў Маскве.