Мірны і Х’юі выйшлі ў паўфінал тэніснага турніру ў Эштарыле
- 29.04.2016, 11:35
- 3,369
Прызавы фонд турніру складае 463 тысячы еўраў.
Беларускі тэнісіст Максім Мірны і філіпінец Трэт Х’юі выйшлі ў паўфінал парнага разраду на тэнісным турніры ў партугальскім Эштарыле (прызавы фонд - 463 тысячы еўраў), паведамляе БелТА.
Беларуска-філіпінскі тандэм у чвэрцьфінальным матчы з яшчэ адным інтэрнацыянальным дуэтам Кайл Эдмунд (Вялікабрытанія)/Фрэдэрыка Ферэйра Сілва (Партугалія) атрымаў перамогу ў двух сэтах з аднолькавым лікам 6:4.
У стартавай сустрэчы Мірны і Х’юі, пасеяныя пад другім нумарам, упэўнена перамаглі італійскую пару Томас Фабіяна/Паола Ларэнці - 6:2, 6:3.
У суботу, 30 красавіка, Мірны і Х’юі згуляюць у паўфінале з амерыканскім тандэмам Скот Ліпскі/Эрык Буторак. У іншым паўфінальным матчы польскія тэнісісты Марцін Маткоўскі і Лукаш Кубат сустрэнуцца з харвацкім дуэтам Борна Чорыч /Франка Скугор.
Сёння на адкрытых грунтовых кортах Эштарыла пройдуць чвэрцьфінальныя паядынкі адзіночнага разраду: Бенуа Пэр (Францыя) - Гільерма Гарсія-Лопэс (Гішпанія), Леанарда Маер (Аргентына) - Нікалас Альмагра (Гішпанія), Борна Чорыч (Харватыя) - Нік Кіргіёс (Аўстралія), Жыль Сімон (Францыя) - Пабла Карэньё Буста (Гішпанія).
Фінальныя матчы ў адзіночным і парным разрадах пройдуць на адкрытых грунтавых кортах Эштарыла 1 траўня.