Акцыя «Праспект нацыянальнага сцяга» на Кастрычніцкай плошчы Менска
13- 14.05.2016, 12:50
- 19,821
Некалькі дзесяткаў актывістаў апазіцыі вышлі ў цэнтр Менска з нацыянальнымі бел-чырвона-белымі сцягамі.
Акцыя пад назвай «Праспект нацыянальнага сцяга» арганізаваная «Маладым фронтам» у гадавіну незаконнага рэферэндуму аб змене дзяржаўнай сімволікі.
На плошчу выйшлі лідар апазіцыі Мікалай Статкевіч, лідар «Маладога Фронту» Зміцер Дашкевіч, былы палітвязень Мікалай Аўтуховіч, актывісты грамадзянскай кампаніі «Еўрапейская Беларусь» Максім Вінярскі і Леанід Кулакоў і іншыя.
За ўдзельнікамі акцыі назірала кіраўніцтва менскай міліцыі. У дачыненні да некаторых яе ўдзельнікаў складзеныя пратаколы.
Паводле інфармацыі ад назіральнікаў БХК, пратаколы на ўдзельнікаў акцыі складалі двух відаў: паводле артыкула 23.4 (непадпарадкаванне міліцыі) і артыкула 23.34 (несанкцыянаванае масавае мерапрыемства) Кодэкса аб адміністрацыйных правапарушэннях.
Для барацьбы з мітынгоўцамі ўлады зноў прыцягнулі камунальныя службы. Нягледзячы на пахмурнае надвор'е, па праспекце актыўна ездзілі палівальныя машыны. Прычым толькі па ўчастку ад цырка да ГУМа. Рух па праспекце быў перакрыты.
Да акцыі далучыўся экс- кандыдат у прэзыдэнты Мікола Статкевіч: Бчб сьцяг абавязкова вернецца як дзяржаўны.#бчбразам pic.twitter.com/J36IaEEl0C
— Радыё Свабода (@svaboda) 14 мая 2016 г.
За акцыяй здаля назіраюць міліцэйскія начальнікі разам кіраўніком гарадзкой міліцыі Барсуковым.#бчбразам pic.twitter.com/KjemqVXtv2
— Радыё Свабода (@svaboda) 14 мая 2016 г.
Менскія ўлады настолькі паважаюць бел-чырвона-белыя сьцягі, што нават перакрылі праспэкт дзеля акцыі)#бчбразам pic.twitter.com/lP095CdaZ3
— Радыё Свабода (@svaboda) 14 мая 2016 г.
Кулакоў з прэтэнзіяй да міліцыянта: Абавязкова ўкажыце ў пратаколе, што акцыя дзеля бчб сьцяга! Адмовіўся! #бчбразам pic.twitter.com/qPFMJY9OeY
— Радыё Свабода (@svaboda) 14 мая 2016 г.
Бадай што з 2010 такога бчб-ланцугу на плошчы не было. Больш за 20 сьцягоў.#бчбразам pic.twitter.com/UYimf9ZURW
— Радыё Свабода (@svaboda) 14 мая 2016 г.
Актывістка Мікалайчык міліцыянту наконт пратаколу: Складайце, паклею яго замест шпалераў.#бчбразам pic.twitter.com/HuFGLpkof1
— Радыё Свабода (@svaboda) 14 мая 2016 г.