Кабякоў забараніў падвышаць заробкі на дзяржпрадпрыемствах

Прэм'ер запатрабаваў спыніць практыку «неабгрунтаванага павышэння» заробкаў працаўнікам.

Прэм'ер-міністр Беларусі Андрэй Кабякоў даручыў спыніць выпадкі неабгрунтаванага падвышэння заробкаў на дзяржаўных прадпрыемствах. Пра гэта ён заявіў на пасяджэнні Савета Міністраў, на якім разглядаліся вынікі сацыяльна-эканамічнага развіцця ў першым квартале 2016 года, паведамляе БелТА.

«Шэраг дзяржаўных прадпрыемстваў, якім надаецца дзяржпадтрымка, праз рост коштаў спрабуюць паправіць сваю эканоміку, не зніжаючы выдаткі. На фоне некаторай актывізацыі попыту яны актыўна сталі павялічваць заробак, што катэгарычна няправільна, - адзначыў Андрэй Кабякоў. - Калі рост заробку адбываецца на аснове рэальных рынкавых вынікаў працы, то пытанняў няма. Але калі асобныя прадпрыемствы раптам наважылі падняць заробак, седзячы пры гэтым на іголцы дзяржпадтрымкі, у той час як ўстаноўленыя жорсткія нарматывы ў заробку ў бюджэтнай сферы, а пенсіі і дапамогі растуць вельмі слаба - гэта недапушчальна. Адпаведныя даручэнні для спынення такой практыкі мной дадзеныя».

Нагадаем, што сёння Лукашэнка падрыхтаваў праект указа, які значна знізіць дзяржпадтрымку прадпрыемстваў.