Прадпрымальнікаў, якія пратэставалі ў Жодзіне аштрафавалі
4- 23.05.2016, 11:30
- 7,976
Пецярых актывістаў аштрафавалі на 30 мільёнаў за акцыю салідарнасці з прадпрымальнікамі.
У судзе горада Жодзіна 23 траўня прайшоў разгляд адміністрацыйных спраў актывістаў, затрыманых у суботу на мітынгу салідарнасці з прадпрымальнікамі, паведамляе «Радыё Свабода».
На шасцярых удзельнікаў акцыі былі складзеныя пратаколы аб удзеле ў несанкцыянаваным мерапрыемстве (арт.23.34 КаАП). Грамадскі актывіст і прадпрымальнік Алесь Макаеў, актывіст БХД Павал Пракаповіч, актывіст «Маладога Фронту» Павел Старавойтаў і гомельскі прадпрымальнік Міхаіл Латышаў былі да суда ўзятыя пад варту і правялі выходныя ў ізалятары часовага ўтрымання. Яшчэ адзін удзельнік мітынгу - прадпрымальнік Алесь Абрамовіч - праз стан здароўя быў адпушчаны да суда дадому. Таксама сёння будуць судзіць Івана Помаза.
Макаеву прызначылі штраф сумаю 50 базавых велічынь - 10,5 млн рублёў ($530), Абрамовічу - 40 - 8,4 млн ($426), Пракаповічу - 25 - 5,25 млн ($267), Латышову і Старавойтаву - 15 - 3, 15 млн ($160).
Павал Пракаповіч пра ўмовы ў Жодзінскім ІЧС : Жудасныя, кармілі 2 разы халоднай ежай, не давалі мыла памыцца. pic.twitter.com/IjQCbdsauS
— Радыё Свабода (@svaboda) 23 мая 2016 г.
Актывіст Павал Старавойтаў: Нас пратрымалі 2 дні за кратамі незаконна, казалі - толькі скласьці пратакол. pic.twitter.com/QXmwP1frjc
— Радыё Свабода (@svaboda) 23 мая 2016 г.
Пасьля судоў актывісты руху салідарнасьці "Разам" выправіліся ў Барысаў ускласьці кветкі да магілы Юркі Моніча. pic.twitter.com/Cs2Zg67Zus
— Радыё Свабода (@svaboda) 23 мая 2016 г.
Падтрымаць актывістаў у Жодзіне прыехала вялікая група актывістаў з Менска. У іх ліку сустаршыня аргкамітэту ў рэгістрацыі партыі «Беларуская хрысціянская дэмакратыя» Павел Севярынец, прадпрымальнік Мікалай Аўтуховіч, апазіцыйны палітык Вячаслаў Сіўчык і яшчэ больш за 10 актывістаў.
Нагадаем, 21 траўня аргкамітэт прафсаюза «Салідарнасць» зладзіў на рынку ў Жодзіна мітынг салідарнасці з прадпрымальнікамі, якія пратэстуюць супраць 222 указу Лукашэнкі. Са слоў сведак, акцыя доўжылася блізу 40 хвілін. Пасля мітынгу, які міліцыя здымала на відэа, актывісты пачалі хадзіць па рынку і раздаваць людзям агітацыйныя матэрыялы. Тады паступіў загад і ўсіх актывістаў затрымалі.
