У Польшчы створаць копію Ту-154М для расследавання катастрофы пад Смаленскам

Камісія ў расследаванні авіяцыйных здарэнняў створыць паменшаную мадэль пацярпелага ў Расеі катастрофу самалёта для правядзення дадатковых экспэртыз.

Польская ўрадавая камісія ў расследаванні авіяцыйных здарэнняў у новым складзе прыступіла да высвятлення абставінаў катастрофы пад Смаленскам прэзідэнцкага «Ту-154М». Яна мае намер стварыць паменшаную мадэль гэтага самалёта для правядзення дадатковых экспэртыз. Пра гэта заявіў кіраўнік камісіі Вацлаў Берчыньскі ў апублікаваным у панядзелак інтэрв'ю штотыднёвіку «В сети», паведамляе tut.by.

<>i«З'явіцца дакладная копія самалёта меншых памераў. Мы праверым, як «Ту-154» паводзіць сябе ў розных сітуацыях падчас палёту, у момант прызямлення, з розным становішчам падкрылляў, у тым ліку пры страце часткі крыла», - сказаў ён.

Са словаў Берчыньскага, галоўная мэта гэтага эксперыменту - высветліць пытанне сутыкнення «Ту-154М» з бярозай.

«На сёння большасць звестак паказваюць на тое, што самалёт праляцеў над гэтым дрэвам, а крыло не зламалася аб бярозу. Аднак мы павінны высветліць гэта канчаткова, каб не засталося ніякіх сумневаў», - указаў ён.

У інтэрв'ю Берчыньскі паведаміў таксама, што ягоная камісія атрымала новыя запісы перамоваў экіпажа самалёта з кантрольнай вышкай на смаленскім аэрадроме. Паводле ягоных слоў, гэтыя звесткі падала Латвія.

Авіякатастрофа пад Смаленскам 10 красавіка 2010 года забрала жыцці 96 чалавек, у тым ліку прэзідэнта Польшчы Леха Качыньскага. Афіцыйная дэлегацыя, якая складалася з чыноўнікаў высокага рангу і грамадскіх дзеячаў, ляцела ў Катынь для ўдзелу ў памятных мерапрыемствах. У тумане самалёт некалькі метраў не дацягнуў да ўзлётна-пасадачнай паласы. Польская ўрадавая камісія прыйшла да высновы, што прычынай здарэння было зніжэнне ніжэй мінімальнай вышыні пры празмернай хуткасці ў метэаўмовах, якія не дазваляюць мець візуальны кантакт з зямлёй, а таксама запознены пачатак працэдуры сыходу на другое кола.

Пасля прыходу да ўлады ў Польшчы партыі Яраслава Качыньскага «Закон і справядлівасць» восенню мінулага года яе прадстаўнікі заявілі, што ранейшы ўрад недастаткова старанна расследаваў абставіны трагедыі пад Смаленскам. Новае кіраўніцтва міністэрства абароны прыняло пастанову аднавіць працу ўрадавай камісіі для расследавання авіяздарэнняў у новым складзе. У сакавіку экспэрты прыступілі да працы.