У Міёрах лось хацеў прабрацца ў школу

У райцэнтры лось забраўся ў двор школы і разбіў некалькі вокнаў будынка.

Інцыдэнт, пра які цяпер кажа ўвесь горад, адбыўся 24 траўня прыблізна а 7.30, піша БелТА. У сярэдняй школе №3, якая размешчана на ўскраіне, было яшчэ нешматлюдна. Дзеці, якія ўбачылі, што па ўнутраным двары школы бегае жывёла, спачатку наважылі, што гэта конь, таму што звыклых рагоў у ляснога госця не было.

«Напэўна, жывёла была маладой, таму што вельмі рэзвая. Лось прайшоў ва ўнутраны двор школы, - распавяла мясцовая жыхарка. - Праўда, затрымаўся ненадоўга - прабег каля школы, затым быў чутны гук пабітых шыбаў (пацярпелі 4 акны) і памчаўся. Усё адбылося за некалькі хвілін. Мы былі ўражаныя, таму не паспелі нават дастаць тэлефоны, каб зняць тое, што адбываецца на відэа, пра што дзеці вельмі шкадуюць. Гэта цяпер самая яркая навіна ў Міёрах».

Мясцовыя жыхары часам бачылі ласёў на лясных дарогах, але каб жывёла зайшлі ў горад - гэта ўпершыню. У Міёрах жартуюць, што лось хацеў трапіць на ўрок або прыходзіў за атэстатам.