Парашэнка: Мы прадоўжым барацьбу за вызваленне ўсіх украінскіх закладнікаў
2- 25.05.2016, 15:58
- 10,243
Прэзідэнт Украіны Пятро Парашэнка павіншаваў Надзею Саўчанку з вяртаннем ва Украіну.
Пра гэта прэзідэнт Украіны Пятро Парашэнка напісаў у Facebook, паведамляе charter97.org.
«Наша Надзя ўжо на ўкраінскай зямлі. Рады асабіста павіншаваць яе з вяртаннем!
Віншую ўкраінцаў і ўвесь свет з нашай Перамогай!
Дзякуй Богу, на гэты раз усё атрымалася», - сказана ў паведамленні.
Парашэнка дадаў, што прадоўжыць барацьбу за вызваленне ўсіх украінскіх закладнікаў.
«Дзякуй усім на свеце, хто дапамагаў мне ў гэтай сённяшняй перамозе. Доўгія 709 дзён палону нарэшце скончыліся», - падсумаваў ён.