Лукашэнку чакаюць у Пінску - нават зладзілі рэпетыцыю работы тэхнікі

Паводле неафіцыйнай інфармацыі, 27 траўня Лукашэнка наведае прадпрыемства «Амкадор-Пінск».

Падрыхтоўка ідзе поўным ходам. Вось ужо другі тыдзень у сацыяльных сетках пінчукі абмяркоўваюць падрыхтоўку да візіту дыктатара.

Людзі сведчаць, што тэрыторыю завода «Амкадор-Пінск» і наваколлі старанна прыбіраюць. Над гэтым раёнам горада ўвесь час лётаюць вайсковыя гелікоптэры, якія часам садзяцца прама на дарогу. Патрулі ДАІ ўзмоцнена ахоўваюць навакольныя дарогі, паведамляе «Белсат».

Работнікі пінскага «Амкадора» кажуць, што да іх учора заязджаў старшыня савета дырэктараў, сенатар, Аляксандр Шакуцін, кіраўніцтва холдынгу і міністр прамысловасці Віталь Воўк. Правялі рэпетыцыю работы тэхнікі, якую выпускаюць на заводзе. Абраным рабочым раздалі падрыхтаваныя загадзя пытанні да Аляксандра Лукашэнкі.

Паводле інфармацыі службы Прэс «Амкадор холдынгу», на пачатку 2016 г. была скончаная мадэрнізацыя прадпрыемства «Амкадор-Пінск», на якую выдаткавалі блізу 400 мільярдаў рублёў.

Пры гэтым, як паведамляў charter97.org, чыстая страта холдынгу «Амкадор» летась вырас больш чым удвая.