Пракуратура адправілася ў аборы Магілёўскай вобласці

У пракуратуры Магілёўскай вобласці ўстурбаваныя сітуацыяй у жывёлагадоўлі.

Пракуратура Магілёўскай вобласці праверыла захаванасць буйной рагатай жывёлы ў зімовы перыяд 2015/2016 года, стан кантролю за выкананнем заатэхнічных, зоагігіенічных і ветэрынарна-санітарных правілаў, эфектыўнасць захадаў мясцовых органаў улады, сельскагаспадарчых арганізацыяй, накіраваных на захаванасць і павелічэнне пагалоўя буйной рагатай жывёлы, кампенсацыю прычыненай шкоды.

Як паведамляе БелаПАН са спасылкай Генеральную пракуратуру Беларусі, вынікі праверкі паказалі, што ў аграпрамысловым комплексе Магілёўскай вобласці ёсць пэўныя праблемы, якія негатыўна адбіваюцца на стане жывёлагадоўлі ў цэлым.

Паводле звестак на 1 красавіка колькасць буйной рагатай жывёлы скарацілася ў параўнанні з аналагічным перыядам мінулага года на 2,8%. Выяўлена, што асноўнымі прычынамі загубы жывёлы з'яўляюцца суб'ектыўны чыннік і дапушчаныя парушэнні ў працэсе ўтрымання жывёлы.

Закуп лекава-прафілактычных і ветэрынарных прэпаратаў і вакцын некаторымі сельгасарганізацыямі рабіўся запознена, з прычыны чаго не выконваліся ў поўным аб'ёме лекава-прафілактычныя дзеянні.

Асобныя гаспадаркі па-ранейшаму не ўкамплектаваныя ў поўнай меры спецыялістамі заатэхнічнай і ветэрынарнай службы, работнікі не забяспечаныя спецыяльным і санітарным адзеннем.

Кіраўнікамі гаспадарак не заўсёды робяцца захады для належнага ўтрымання кароўнікаў малочнатаварных фермаў, што можа пацягнуць за сабой надалей іх разбурэнне.

Як адзначаецца ў паведамленні Генпракуратуры, вынікі праверак сведчаць аб тым, што ўмовамі, спрыяльнымі для выяўленых парушэнняў заканадаўства, з'яўляюцца неналежнае выкананне кіраўнікамі сельскагаспадарчых арганізацый сваіх працоўных абавязкаў, недастатковы кантроль з боку камітэта і ўпраў сельскай гаспадаркі і харчавання.