У Воршы праз пажар эвакуявалі шэсць чалавек
- 3.05.2016, 10:47
- 6,761
Адная з імаверных прычын узгарання - неасцярожнае паленне.
Амаль апоўначы 2 траўня ў Аршанскі райаддзел МНС паведамілі аб пажары ў жылым будынку на вуліцы Флёрава, піша naviny.by.
Пажарныя, якія прыбылі на месца, перш за ўсё высветлілі, ці ёсць людзі ў гарэлай кватэры на трэцім паверсе. Высветлілася, што ў момант узгарання гаспадыня з дачкой знаходзіліся дома, але здолелі пакінуць жыллё самастойна да прыбыцця ратавальнікаў.
Аднак у сувязі з моцным задымленнем ў пад'ездзе дома давялося эвакуяаваць шасцярых жыхароў з паверхаў, размешчаных вышэй.
Агнём у кватэры знішчаная мэбля, пашкоджаная маёмасць. На шчасце, абышлося без пацярпелых.
Адная з магчымых прычын узгарання - неасцярожнае паленне.