Дзяржкантроль рыхтуе масавыя канфіскацыі зямельных надзелаў з даўгабудамі

Камітэт дзяржкантролю намагае на зменах у заканадаўстве, якія дазволяць хутчэй адбіраць і прадаваць на аўкцыёнах такія надзелы.

Камітэт дзяржаўнага кантролю рыхтуе змены ў заканадаўстве, якое рэгулюе парадак адабрання і наступнага продажу з аўкцыёнаў зямельных надзелаў, на якіх грамадзяне гадамі нічога не будуюць.

Праблема даўгабудаў на зямельных участках, выдадзеных пад індывідуальнае жыллёвае будаўніцтва, падымалася на розных узроўнях не аднойчы. Прычым, калі спачатку гаворка ішла выключна аб участках, выдадзеных бясплатна грамадзянам, што жывуць у нястачы для паляпшэння жыллёвых умоў, то затым у абарот ўзялі і тыя зямельныя надзелы, якія былі прададзеныя з аўкцыёну, піша «Ежедневник».

Спачатку ў 2006 годзе быў прыняты ўказ Лукашэнкі №87 «Аб некаторых мерах аб скарачэнні не завершаных будаўніцтвам незакансерваваных жылых дамоў, лецішчаў», потым у 2007 годзе быў прыняты знакаміты ўказ №667 «Аб адабранні і выдаванні зямельных надзелаў». У наступныя гады ў дакументы больш за два дзесяткі разоў уносіліся розныя змены і дапаўненні. Сітуацыя пачала мяняцца да лепшага, але занадта павольна і непрыкметна.

Пераломным павінен быў стаць 2015 год, бо 1 сакавіка мінулага года заканчваўся тэрмін дзеяння ўсіх кансервацый, якія былі створаныя да 1 сакавіка 2012 года. Іншымі словамі, да ўказанага тэрміна ўсе ўладальнікі зямельных надзелаў, незалежна ад таго, як яны былі атрыманы, абавязаны былі не толькі паставіць падмурак, але таксама ўзвесці сцены, паставіць дах і вокны. Пры невыкананні гэтых умоў выканкамам далі права адбіраць такія надзелы, ацэньваць іх і выстаўляць на таргі. Працэс сапраўды пайшоў у 2015 годзе, але неяк вяла.

Паводле звестак КДК падчас маніторынгу сітуацыі ў Менскай вобласці былі выяўленыя шматлікія пустуючыя надзелы, якія былі выдадзеныя грамадзянам пад індывідуальнае будаўніцтва да сакавіка 2012 года. Прычым, больш за ўсё такіх надзелаў выяўлена ў самых запатрабаваных населеных пунктах Менскага раёна: у Бараўлянскім, Ждановіцкім, Астрашыцка-Гарадоцкім сельсаветах.

Так у Бараўлянах выяўлена аж 57 такіх надзелаў, толькі кадастравы кошт якіх складае больш за 1 млн даляраў. У Ратамцы Ждановіцкага сельвыканкама кантралёры налічылі 37 надзелаў, вылучаных пад індывідуальнае будаўніцтва, але так і не асвоеных да вызначанага ўзроўню.

КДК адзначае, што згодна з заканадаўствам, усе гэтыя зямельныя надзелы падлягаюць прымусоваму канфіскацыі і наступнай продажы з аўкцыёнаў. Аднак мясцовыя ўлады, мяркуюць КДК праяўляюць дзіўную пасіўнасць і глядзяць на парушальнікаў скрозь пальцы нават на закансерваваныя будынкі, якія стаяць ужо па 15 гадоў. І гэта пры тым, што ў тых жа Бараўлянах ці ў Ратамцы зямельныя надзелы вельмі запатрабаваныя і каштуюць неймаверна дорага. Як адзначаюць кантралёры, у большасці выпадкаў уладальнікі такіх надзелаў не маюць патрэбу ў жыллі і не збіраюцца ажыццяўляць будаўніцтва, бо набывалі надзелы толькі для таго, каб затым выгадна іх перапрадаць, узвёўшы падмурак і закансерваваць яго. КДК фіксуе мноства такіх фактаў і ўжо бярэ іх на ўлік. Праўда, парушэнні заканадаўства ў гэтым выпадку няма, але кантралёры ўсё роўна не збіраюцца патураць такім уласнікам, якія не жадаюць ні будавацца, ні прадаваць, калі рынак упаў.

Цяпер КДК рыхтуе прапановы па ўнясення ў заканадаўства змяненняў, накіраваных на ўпарадкаванне продажу незавершаных будынкаў з таргоў. На думку кантралёраў, вызваленне надзелаў ад недабудаваных будзе спрыяць іх ўключэнню ў гаспадарчы абарот і папаўненню бюджэту за кошт наступнага продажу з аўкцыёнаў. Мяркуецца, што заканадаўчыя змены не дазволяць мясцовым уладам больш бяздзейнічаць, што станоўча адаб'ецца на сітуацыі.

Зрэшты, улічваючы папярэдні досвед унясення дзесяткаў змяненняў ва ўказы Лукашэнкі, многія ўладальнікі надзелаў ставяцца скептычна да новай ініцыятывы КДК. Як заявіў журналістам уладальнік аднаго з надзелаў у Менскім раёне, на якім ужо больш за пяць гадоў стаіць закансерваваны будынак, у справе канфіскацыі такіх даўгабудаў занадта шмат нюансаў, якія тычацца як ацэнкі НЗКБ і самога ўчастка, так і выплаты кампенсацыі ўладальніку. Тут аднымі зменамі сітуацыю не выправіш, бо ў корані трэба мяняць шэраг асноватворных кодэксаў і законаў, якія тычацца, у тым ліку і правоў чалавека.

Фактычна і сёння выканкамы маюць магчымасць адбіраць надзелы з даўгабудамі, але ўсё гэта можа адбывацца толькі праз суд. Аднак нават Бараўлянскі сельвыканкам не мае такіх рэсурсаў, каб падаць у суд адразу 57 позваў. А для канфіскацыі зямельных надзелаў без суда КДК давядзецца вельмі сур'ёзна падкарэктаваць заканадаўства.