У Нямеччыну прыязджаюць усё больш чачэнцаў і іх хочаш адсылаць у Польшчу

Цягам апошніх некалькіх месяцаў вырасла колькасць мігрантаў з Чачні, якiя хадайнiчаюць аб выдачы прытулку ў Нямеччыне.

Нямецкія ўлады занепакоеныя ростам колькасцю мігрантаў з Чачні. Пра гэта, як паведамляе Радыё Польшча, піша нямецкае выданне Die Welt.

Бэрлін падазрае, што выезд чачэнцаў кантралюецца Расеяй, якая спрабуе такім чынам паказаць сваю сілу і справакаваць хваляванні.

Паводле інфармацыі МУС Нямеччыны, колькасць мігрантаў з Чачні вырасла цягам некалькіх апошніх месяцаў. Паводле звестак установы, з пачатку 2016 года да 23 траўня з намерам атрымаць прытулак у Нямеччыну прыехалі 2728 грамадзян РФ, сярод якіх 82% назвалі сябе чачэнцамі.

Пры гэтым, толькі блізу 5% грамадзян Расеі атрымліваюць у Нямеччыне статус уцекача. Нямецкія ўлады адзначаюць, што грамадзяне Расеі, у тым ліку чачэнцы, праязджаюць праз тэрыторыю Польшчы, якая з’яўляецца бяспечнай краіны ЕЗ, такім чынам там яны павінны падаваць прашэнні аб выдаванні прытулку. Паводле інфармацыі нямецкага МУС, такіх мігрантаў будуць адпраўляць у Польшчу.

Кіраўнік МУС Польшчы Марыюш Блашчак пракаментаваў сітуацыю: «Немцы здаюцца мне непаслядоўнымі. Больш за мільён чалавек прыехалі да іх з краін Афрыкі і Блізкага Усходу, але я нешта не чую пра тое, што іх адсылаюць у бяспечныя краіны. Уцекачы не маглі ж трапіць у Нямеччыну прама з Сірыі. Яны павінны былі ехаць, напрыклад, праз Грэцыю, якая таксама з'яўляецца бяспечнай краінай».