Ірландыя - Беларусь: чыя возьме?

31 траўня, нацыянальная каманда Беларусі сустрэнецца ў таварыскім паядынку з ірландцамі.

Матч адбудзецца ў Корку, на стадыёне «Тэрнерс Крос», які змяшчае 7485 гледачоў, і пачнецца а 19.45 (21.45 паводле беларускага часу), піша Прессбол.

Жывая трансляцыя - на тэлеканале «Беларусь 5».

Каціроўкі па лініі букмекерскай канторы FAVBET: перамога каманды Ірландыі - 1.47, нічыя - 3.9, перамога каманды Беларусі - 7.5.

Напярэдадні паядынку з ірландцамі рулявы каманды Беларусі Аляксандр Хацкевіч падзяліўся тым, якіх зменаў у складзе трэба чакаць у параўнанні з белфастскім матчам.

- Ці плануеце асвяжыць стартавы склад?

- Філіпенка праз пашкоджанні да матчу з ірландцамі не рыхтуецца, так што ў нас засталося ўсяго чатырнаццаць палявых гульцоў - вялікіх зменаў пры ўсім жаданні не зробіш. Можа, і будзе парачка, але канчаткова я яшчэ не вызначыўся. Галоўнае, абысціся без траўмаў.

- Наколькі ўсё сур'ёзна у Філіпенкі?

- Як сказаў доктар, да вяселля зажыве. Пералому няма, тым не менш утварылася гематома, і лекары забаранілі Ягору выходзіць на поле. Добра што нам ёсць каго выпусціць у цэнтр абароны замест яго.

- Другое змяненне ў складзе ў «рамцы»?

- Так. Першапачаткова планавалі, што ў Белфасце і Корку месца ля брамы зоймуць розныя галкіперы. Гэтую пастанову мяняць пакуль не збіраемся.

- Скажыце шчыра, Клімовіч дэбютуе за каманду?

- Пакуль не ведаю. Гэта залежыць ад шматлікіх фактараў. У першую чаргу - ад ходу паядынку і ліку на табло.