Грубае парушэнне закона сышло з рук дзяржаўнаму каналу

Тэлеканала «АНТ» назваў злачынцам чалавека, суд над якім яшчэ не адбыўся.

Праваабаронца Андрэй Палуда на днях атрымаў адказ з Міністэрства інфармацыі на свой зварот да Ліліі Ананіч паводле факта парушэння прэзумпцыі невінаватасці вядоўцы тэлеканала АНТ у дачыненні да абвінавачанай паводле справы Юліі Балыкінай.

Міністэрства інфармацыі пагадзілася з довадамі праваабаронцы аб недапушчальнасці парушэння правоў і свабод асоб з боку СМІ. І адрэагавала такім чынам, што ў ЗАТ «Другі нацыянальны тэлеканал» з усімі журналістамі дырэкцыі інфармацыйнага вяшчання, а таксама супрацоўнікамі, адказнымі за падрыхтоўку і выпуск інфармацыйных матэрыялаў, была праведзена дадатковая тлумачальная гутарка, паведамляе ПЦ «Вясна».

У скарзе Андрэй Палуда прасіў вынесці папярэджанне тэлеканалу «АНТ» і правесці гутарку.

«Відаць, «паўнамоцтваў» Міністэрства інфармацыі стала толькі на тое, каб правесці паўторную гутарку з прадстаўнікамі дзяржаўнага тэлеканала», - заключае праваабаронца.

І звяртае ўвагу, што такі падыход з боку Міністэрства можна ахарактарызаваць як выбарчы, бо вядомыя выпадкі, калі незалежным СМІ неаднаразова выносіліся папярэджанні за недакладнасці ў інфармацыі. Так, напрыклад, 2, сакавіка 2016 года Міністэрства інфармацыі вынесла пісьмовыя папярэджанне ўладальнікам інфармацыйных рэсурсаў ej.by («Ежедневник») і nn.by («Наша Ніва»).

Як раней паведамляў раней сайт charter97.org, 6 красавіка 2016 года на тэлеканале АНТ у выпуску навінаў выйшаў сюжэт, падчас якога вядучы заявіў: «скончана расследаванне гучнай справы, забойцу лёгкаатлеткі Юліі Балыкінай могуць прысудзіць да выключнай меры пакарання, сёння пра гэта паведамілі ў следчым камітэце. Даведзена, што мужчына знаходзіўся пад уздзеяннем наркотыкаў, і ў сварцы 12 разоў ударыў спартоўку малатком і г.д.».

Такім чынам, затрыманы прадстаўлены з самага пачатку як злачынец, нягледзячы на тое, што пакуль невядома, якую пастанову вынесе судовая інстанцыя.