У Смаргоні Audi трапіла пад цягнік
- 17.06.2016, 11:32
- 7,654
Кіроўца легкавіка збег, пасажыр - у рэанімацыі.
У Смаргоні 17 чэрвеня, пад 01.40, на чыгуначным пераездзе на вуліцы Гагарына, абсталяваным святло-гукавой сігналізацыяй, Audi A8 трапіла пад грузавы цягнік. Пра гэта паведамілі ў МНС.
У момант аварыі ў самаходзе знаходзіліся кіроўца і пасажыр. Мужчына, які кіраваў Audi, з месца аварыі ўцёк. Пасажыр у цяжкім стане дастаўлены ў шпіталь.
У выніку ДТЗ аўтамабіль атрымаў сур'ёзныя пашкоджанні. У грузавога цягніка пашкоджана пярэдняя частка адбойнік. Чыгуначнае палатно не пашкоджанае, затрымка руху гэтага цягніка склала 3 гадзіны 49 хвілін, затрымкі руху іншых цягнікоў не было.